O Furancho O Canastro está en Redondela, na parroquia de Reboreda.

É un magnífico furancho pra ir en familia ou cos amigos, xa que é moi amplo e ten numerosas mesas, tanto no exterior coma no interior do sitio. Probablemente é un dos furanchos de Redondela con mellores vistas. Dende él pódese ver toda a ensenada de San Simón e a Ponte de Rande.

Hai que ir en coche, pero non hai problema para aparcalo porque dispón de dous aparcadoiros distintos con suficiente espazo para bastantes coches.

Chégase dende a estrada que leva de Redondela a Cesantes, collendo o Camiño da Ganga. Nese mesmo cruce xa teñen unha póla de loureiro e un letreiro, e de alí ata o furancho está moi ben indicado en tódolos cruces. Non ten perda.

Serven tapas de raxo, costelas adobadas, empanada de pan de millo e trigo de zamburiñas ou chocos, tortilla, pementos, tetilla con marmelo, … Os viños, tanto o branco coma o tinto son mellorables, pero en xeral a comida está boa e os prezos son razoables.

Este furancho pecha as súas portas a finais do mes de xullo xa que ten moitas mesas exteriores e teñen que aproveitar o bo tempo dese mes. Se chove tamén abren, xa que hai sitio dentro e tamén teñen mesas cubertas no xardín.