Porque o que vai ó furancho e no bebe a oportunidade perde

Furancho As Cuncas

Por Furancheiro

Información de interese

Enderezo:

Enderezo: O Rañadoiro, 3
C.P.: 36690
Concello: Pontevedra
Provincia: Pontevedra

GPS:

Coordenadas: N 42.356150, W -8.596161

Horario:

Dende marzo a maio
venres, sábado e véspera de festivo: 19:00 a 00:00
domingo: 12:00 a 16:00 e 19:00 a 00:00
estes horarios están suxeitos á finalización do viño ou ás restriccións polo Covid

Teléfono:

Redes Sociais:

Comparte este furancho:

Share on facebook
Share on twitter
Share on whatsapp
Share on email

Furancho As Cuncas está en O Rañadoiro na parroquia de Ponte Sampaio que pertence ao concello de Pontevedra.

Chégase a él pasando a Ponte medieval de Ponte Sampaio pola nacional PO-264 e collendo o desvío en dirección a O Rañadoiro. Dende este cruce ata o furancho hai unha subida de algo máis dun quilómetro que está moi ben indicado e non ten perda. O furancho non ten moito aparcadoiro dentro da finca, polo que é aconsellable que busquedes sitio no camiño.

Trátase dun lugar moi agradable e pintoresco. Ten algunhas mesas fóra ó carón dun hórreo e moi preto dunha horta e un galiñeiro. Ten mesas á sombra e é perfecto para ir en grupos pequenos. Xa dentro ten varias estancias, a principal no garaxe con amplas mesas para grupos numerosos e outra no interior da casa con mesas máis pequenas.

Ten viño branco de uva Albariño e tinto de uvas Caíño, Mencía, Tempranillo, Femia Redonda, Sousón e Garnacha. Son viños de gran calidade, moi redondos e fáciles de beber. De comer teñen zorza, tortilla de pataca, raxo, pementos de Padrón, orella, táboas de embutidos, ovos fritidos con patacas e chourizo,… O chourizo nótase que é caseiro porque está espectacular. Non deixedes tampouco de probar os seus licores caseiros feitos con augardente. Teñen unha gran variedade e ides querer probalos todos.

A este excelente viño e comida hai que sumarlle unha atención marabillosa por parte do dono. Aínda que quede un pouco a desmán recomendamos visitar este furancho. Repetiredes!

Reseñas

Aínda non hai valoracións.

Sé o primero en valorar “Furancho As Cuncas”

O teu enderezo electrónico non se publicará Os campos obrigatorios están marcados con *