Porque o que vai ó furancho e no bebe a oportunidade perde

Furancho Alto da Aldea

Por Furancheiro
(1 valoración do usuario)

Información de interese

Enderezo:

Enderezo: Rua Soutelo, 30A
C.P.: 36750
Concello: Tomiño
Provincia: Pontevedra

GPS:

Coordenadas: N 41.956625, W -8.781923

Horario:

Dende maio a xullo
luns a venres: 19:00 a 23:00
sábado e domingo: 12:00 a 23:00
estes horarios están suxeitos á finalización do viño ou ás restriccións polo Covid

Teléfono:

Redes Sociais:

Comparte este furancho:

Share on facebook
Share on twitter
Share on whatsapp
Share on email

O furancho Alto da Aldea está en Soutelo na parroquia de Goián que pertence ao concello de Tomiño.

Non é moi sinxelo chegar e aconsellámosche que si dispós de GPS te guíes pola dirección que indicamos nos datos deste furancho que che levará ata a mesma porta. Si non dispós de GPS toma como referencia o cruzamento que hai ao pasar a alameda de Goián en sentido A Guarda pola avenida de Brasil, ao chegar ó semáforo vira á dereita pola avenida Ordóñez. Na Praza da Preta collemos á dereita seguindo as indicacións de Difersa. Seguimos todo recto, pasamos por baixo da via rápida de O Rosal/A Guarda e atoparémosnos cun primeiro cruzamento á esquerda que pasaremos de longo. Pouco despois haberá outro que colleremos á esquerda. Uns metros máis adiante chegamos ao furancho.

Dispoñen dun amplo aparcadoiro nunha leira á beira do furancho polo que non hai problema para aparcar o coche.

Trátase dun furancho moi tranquilo e acolledor. Ten numerosas mesas exteriores, amplas e cómodas. O sitio é moi pintoresco e está cheo de mazorcas de millo no teito. Tamén polas súas paredes hai colgadas nasas, peneiras ou ferramentas de labranza. Tamén teñen un precioso hórreo. Chaman a atención as súas lámpadas feitas con tarteIras e tixolas.

Os viños que serven son de gran calidade. Branco albariño, que nesta zona nunca defrauda, e tamén teñen tinto e rosado. Sérveno en xarras de medio litro para dúas persoas aproximadamente ou de litro para catro.

A comida deste lugar é un dos seus fortes xa que moitos dos produtos son elaborados por eles mesmos, como é o caso dos embutidos. Prepáranche unhas exquisitas táboas que adoitan levar chorizo, salchichón, cabeza de porco ou lombo. Tamén teñen empanada ou empanadillas que varían cada día, tortilla ou zorza. A especialidade da casa é a costela frita que tamén chaman ósos de xoán.

Non sería raro que nalgunha noite de fin de semana atopedes algunha mesa con gaitas e pandeiretas amenizando a estancia a golpe de muiñeira.

1 valoración en Furancho Alto da Aldea

  1. Andrés

    Un sitio maravilloso donde se come de escándalo. El vino blanco es de lo mejor que he bebido en tiempo.

Engadir unha valoración

O teu enderezo electrónico non se publicará Os campos obrigatorios están marcados con *