Furancho De Pepita

Por Furancheiro
Furancho De Pepita

O furancho De Pepita está na parroquia de Cedeira no concello de Redondela. Esta parroquia é coñecida polo ter o "millor banco do mundo" con unhas espléndidas vistas sobre a ría de Vigo á altura da ponte de Rande.

Pra chegar ó furancho De Pepita colleremos na rotonda do Mercadona que hai na nacional N-552 á dereita se vimos dende Rande pra ir pola estrada de subida a Cedeira. Seguimos todo recto ata chegar ao colexio e Igrexa de San Andrés. No cruce fronte o colexio atópase o furancho.

É un deses furanchos que abre tódolos días da semana a partires das sete da tarde. O sitio é pequeno pero ten unhas sete ou oito mesas que dan para que se poida sentar bastante xente. Varios pósteres de Tintín adornan as paredes. Na porta tedes unha cesta con limóns e podedes levar unha ducia por 2 euros.

Empanada - Furancho De Pepita

Serven brancos e tintos ricos e racións de empanada con pan de millo ou normal, zorza, orella, tortilla de pataca, tetilla con membrillo... Un viño branco e un tinto xunto con unha ración de empanada de zamburiñas en pan de millo 11 euros. Pra ser un furancho non nos pareceu especialmente barato pero tanto o viño coma empanada estaban ben bos.

Compartir:

Comentarios sobre Furancho De Pepita
Sé o primeiro en comentar algo deste furancho
Enviar un comentario
Pódeche interesar tamén: